Dövlət Gömrük Komitəsinin Akademiyasında “"İqtisadın elmiliyi problemi" (Ortodoks və heterodoks iqtisadi məktəblərin müqayisəli təhlili əsasında)” adlı seminar keçirilib. Tələbələrin iştirakı ilə keçirilən seminar fənn müəllimləri Şəmsi Rzalı və Həsən Rəhimli tərəfindən təqdim olunub.

Təlimdə iqtisad elminin elm olub-olmaması, iqtisadi məktəblərin ideoloji təməlləri, iqtisad elminin inkişafının mövcud vəziyyəti, ortodoks və heterodoks iqtisadi məktəblərin müqayisəli təhlili və digər maraqlı məqamlar barəsində tələbələrə ətraflı məlumat verilib.

Daha sonra mövzu ətrafında müzakirələr aparılıb, tələbələri maraqlandıran suallar məruzəçilər tərəfindən ətraflı cavablandırılıb.