Baş səhifə
Missiya, hədəflər və dəyərlər

Missiya, hədəflər və dəyərlər

Missiyamız - Akademiyamız analitik düşünən, milli-mənəvi və bəşəri dəyərlərə bağlı, yenilikçi, elm və texnologiyanın inkişafına, cəmiyyətin və insanlığın gələcəyinə mütəmadi töhfə verən, ətraf mühitin qorunmasına xüsusi həssaslıq göstərən və beynəlxalq standartların tələblərinə cavab verən nümunəvi kadrların yetişdirilməsini, milli və qlobal elm və təhsil mühitinin inkişafına töhfə verməyi özünün əsas missiyası hesab edir.  

Hədəfimiz - Əsas hədəfimiz tələbəsi, əməkdaşı və məzunu olmaqla hər zaman qürur duyulan, təhsili və təlimləri keyfiyyət brendi kimi qəbul olunan, inkişafa daim töhfə verən və müsbət dəyişikliklərə liderlik edən bir ali təhsil müəssisəsi olmaqdır. 

Dəyərlərimiz

·         Keyfiyyət siyasətinə tam bağlılıq;

·         Akademiyaya, onun dəyərlərinə və hədəflərinə bağlılıq;

·         Ətraf mühitin qorunmasına xüsusi diqqət;

·         Şəffaflıq və mükəmməlliyətçilik;

·         İştirakçılığı təşviq etmək;

·         Rəhbərlik, işçi heyət, müəllimlər, tələbələr və müdavimlər arasında qarşılıqlı etimada və hörmətə əsaslanan münasibətlər sistemi;

·         Mütəmadi təhlil və proqnozlaşdırmaya əsaslanan peşəkar və operativ idarəetmə;

·         Yaradıcı və tənqidi yanaşmalara açıq olmaq;

·         Ömür boyu öyrənmə prinsipinə bağlılıq;

·         Yeniliklərə, eləcə də təhsil, təlim və idarəetmədə texnologiyanın imkanlarından getdikcə daha çox istifadə edilməsinə önəm vermək.

Elm öyrənmək heç vaxt gec deyil.

İbn Sina

Növbəti tədbirlər

Bütün tədbirlər

Sözlük

Spam -- (en. spam,  ru. спам, tr. spam) kommersiya və başqa məzmunlu reklamların, eləcə də digər növ məlumatların, həmin məlumatları almaq arzusunda olmayan şəxslərə kütləvi göndərilməsi. “SPAM” sözü 1936-cı ildə meydana çıxıb; “SPiced hAM” (acı verçina) ifadəsinin qısaltması olan SPAM sözü Hormel Foods Corporation şirkətinin ət məhsullarının əmtəə nişanı idi. İkinci dünya müharibəsində təkcə Amerika əsgərlərini deyil, həm də müttəfiqlərin əsgərlərini təchiz etmək üçün hazırlanmış bu konservlərin müharibədən sonra böyük ehtiyatı qalmışdı. Ona görə də Hormel Foods şirkəti bu məhsulların geniş reklamına başladı: “SPAM” sözünə hər addımda rast gəlinirdi, bütün ucuz mağazaların vitrinində, avtobus və tramvayların bortunda bu söz yazılmışdı. Bu sözü evlərin fasadlarında, qəzetlərdə oxumaq olardı. “SPAM” konservlərinin reklamı daim radio ilə yayımlanırdı. 1986-cı ildə Usenet konfranslarında hansısa Deyv Rodes adından yeni maliyyə piramidasını reklam edən eyni məzmunlu çoxlu məlumat meydana çıxdı. Başlığı “Çoxlu pul qazanın” olan bu məktublarda bunu necə etməyin təlimatı verilirdi. Məktub müəllifi öz mətnlərini elə böyük inadla çoxladaraq yayırdı ki, bu məktublardan “boğaza yığılmış” abunəçilər onları yuxarıda adı çəkilən konservlərlə müqayisə etməyə başladılar. Beləliklə, “spam” sözü yeni məna qazandı və sonradan zəhlətökən reklam göndərişlərini ifadə edən kompüter termininə çevrildi. Qanuni bizneslə məşğul olan bəzi şirkətlər öz mallarını, yaxud xidmətlərini spam vasitəsilə reklam edirlər. Belə reklam ucuz başa gəlir və daha çox potensial müştərilərini əhatə edir. Ancaq belə reklam alıcıları ehtiyatlandırmaqla əks effekt də verə bilər. Bəzən fırıldaqçılar məktubu alan şəxslərdən pul qoparmaq üçün spamdan istifadə edir. Ən geniş yayılmış üsul “Nigeriya fırıldağı” (nigerian scam) adını alıb, çünki belə məktubların əksəriyyəti Nigeriyadan göndərilir. Fırıldaqçılığın başqa bir növü “fişinq” (phishing) adlanır. Ən böyük spam axını elektron poçtla yayılır. Hazırda ümumi elektron poçt trafikində virusların və spamların payı müxtəlif qiymətləndirmələrə görə 70-95 faiz təşkil edir. 

Faydalı keçidlər