Xəbərlər

Bütün xəbərlər

Gömrük Akademiyasının tələbələri “Hüquq viktorinası”nda iştirak ediblər
Hüquqi biliklərin təbliği, gənc hüquqşünasların təhsilinə, onlarda hüquqşünaslıq ixtisası üzrə ilkin peşə vərdişlərinin formalaşdırılmasına töhfə verilməsi məqsədilə Baş Prokurorluğun Elm-Tədris Mərkəzində hüquq fakültələrində təhsil alan tələbələr arasında “Hüquq viktorinası” adlı müsabiqə keçirilib. Müsabiqədə digər 3 ali təhsil müəssisəsinin tələbələri ilə yanaşı Dövlət Gömrük Komitəsinin Akademiyasının hüquqşünaslıq ixtisası üzrə təhsil alan tələbələri də iştirak ediblər. Müsabiqənin ilk mərhələsində ali təhsil müəssisələrinin 5 tələbəsindən ibarət komandaları arasında olduqca maraqlı yarışma aparılıb. Konstitusiya, Cinayət hüququ və Cinayət-prosessual hüquq fənləri üzrə, habelə dünyagörüşünü müəyyənləşdirən mövzulara aid suallar kollektiv şəkildə məşvərət aparılmaqla cavablandırılıb. Ali təhsil müəssisələrinin komandaları arasında aparılan yarışmada Dövlət Gömrük Komitəsinin Akademiyasının komandası III yerə sahib olub. Cavabların qiymətləndirilməsi isə Mərkəzin rəis müavini Talıb Cəfərov, şöbə rəisi Nigar Qələndərli və Dövlət Gömrük Komitəsinin Akademiyasının “Hüquq və humanitar elmlər” kafedrasının baş müəllimi Şahin Hüseynov da daxil olmaqla müsabiqədə iştirak edən digər ali təhsil müəssisələrinin alimlərindən ibarət münsiflər heyəti tərəfindən həyata keçirilib. Müsabiqənin növbəti mərhələsində isə komandaların kapitanları arasında yarışma davam etdirilib.

03.10.2022

Gömrük Akademiyası ilə “Karmasis Azərbaycan” şirkəti arasında görüş keçirilib
Dövlət Gömrük Komitəsinin Akademiyasında “Karmasis Azərbaycan” şirkəti ilə görüş keçirilib. Görüşdə Dövlət Gömrük Komitəsinin Akademiyasının rəisi Qulu Novruzov, Akademiyanın əməkdaşları, Karmasis Azərbaycanın baş meneceri Berna Baysal və Karmasis Türkiyənin Biznes İnkişaf meneceri Burak Baysal iştirak ediblər. Akademiyanın rəisi, gömrük xidməti general-mayoru Qulu Novruzov qonaqları salamlayaraq onları rəhbərlik etdiyi ali təhsil müəssisəsində görməkdən məmnun olduğunu bildirib.Akademiyada tədris prosesinin təşkili barəsində məlumat verən Qulu Novruzov, müasir dövrümüzdə İT sahəsi üzrə kadr hazırlığının əhəmiyyətindən bəhs edib. Akademiya rəisi Azərbaycan ilə Türkiyə arasında mövcud olan səmimi dostluq və qardaşlıq əlaqələrindən söz açaraq təhsil sahəsində əməkdaşlığın vacibliyini də qeyd edib. Dövlət Gömrük Komitəsinin Akademiyasında olmaqdan məmnunluğunu bildirənKarmasis şirkətinin nümayəndələri səmimi qonaqpərvərliyə görə Akademiya rəhbərliyinə öz təşəkkürlərini bildiriblər.Karmasis Azərbaycanın baş meneceri Berna Baysal təmsil etdiyi şirkət haqqında ətraflı məlumat verərək 2003-cü ildən fəaliyyət göstərən, yerli kapitalla kibertəhlükəsizlik məhsulları inkişaf etdirən və özəl həllər təqdim edən türk şirkəti Karmasisin yaranma konsepsiyası və fəaliyyət istiqamətləri haqqında ətraflı məlumat verib. Kibertəhlükəsizlik sahəsində nəzəri biliklərlə yanaşı praktiki biliklərin önəmini vurğulayan Berna Baysal qarşılıqlı maraq doğuran sahələr üzrə birgə fəaliyyətin hər iki tərəf üçün səmərəli olacağını əminliklə qeyd edib. Görüşdə tərəflər arasında qarşılıqlı şəkildə layihə, seminar və müzakirələrin təşkili, həmçinin tələbələrin bilik və bacarıqlarının, peşəkarlıq səviyyələrinin, dünyagörüşlərinin inkişafına dəstək göstərilməsi və s. məsələlər müzakirə edilib. Sonda qonaqlar Akademiyada yaradılan şəraitlə ilə yaxından tanış olublar.

01.10.2022

Əməkdaşlıq

Elm öyrənmək heç vaxt gec deyil.

İbn Sina

Növbəti tədbirlər

  • 10 May - 13 May

    Beynəlxalq Konfrans: Soyuq müharibədən sonrakı dövrdə sosial, iqtisadi və siyasi inkişaf kontekstində Cənubi Qafqaz

  • 11 May - 11 May

    Tələbələrdə natiqliyin inkişafı yönündə təlimlərin həyata keçirilməsi planlaşdırılır

  • 15 May - 15 May

    “Etik davranış qaydaları“ adlı seminar təşkil olunacaqdır

  • 15 May - 15 May

    “Azərbaycan Zəfəri” adlı “Hərbi Qənimətlər Parkı”na tələbələrin ekskursiyası nəzərdə tutulmuşdur

  • 20 May - 20 May

    “Akademiyanın qəhrəman müəllimi” adlı tədbir.

  • 21 May - 21 May

  • 26 May - 26 May

    28 may – Müstəqillik Gününə həsr olunmuş “Müstəqil Azərbaycan” adlı şahmat turnirinin keçirilməsi planlaşdırılır

  • 26 May - 26 May

    Dövlətçilik mövzusunda dəyirmi masa keçiriləcəkdir

Sözlük

Gömrük ödənişlərinin şərti hesablanması (ş.h) -- Tranzit mallar sərbəst dövriyyə üçün buraxılış gömrük rejimi altında yerləşdirilməli olarsa, ödənilməli olan gömrük rüsumlarının və ya vergilərinin məbləği.